"Awaluddini ma'rifatulloh.", meureun aya hubunganna jeung katerangan ieu, yen Harun Yahya nyieun hiji bahasan mangrupa buku nu dijudulan "Allah Is Known Through Reason" kira-kira hartina meureun "Nyaho Ka Allah Ngaliwatan Akal". Mimiti Harun Yahya ngajelaskeun ngeunaan rupa-rupa wangunan anu barangga, kayaning menara Eiffel di Kota Paris, Tajmahal di India, jeung rea-rea deui. Tug tepi ka kaluar kacindekan yen "Kayakinan yen ieu alam jeung jutaan rupa eusina kabentuk tina teu dihaja, sarua teu asup akalna jeung kayakinan yen menara Eiffel di Kota Paris ayana tina kajadian ngabeledug teu dihaja, jeung euweuh nu nyieunna.", Pan gelo tah, pamikiran model kitu teh, teu waras, hehe.
Kacida teu kahartina bieu teh. Da mun dititenan, ditalungtik mah, komo ku para sarjana elmu alam kayaning biologi, kimia, fisika, bakal manggihan yen naon rupa nu aya di alam teh ngarupakeun hasil rancangan nu banget tohagana, leuwih ti jenius itungannana. Teu ragu deui kabeh pasti aya nu nyieunna, nyaeta dzat Maha Tunggal, Nu Kagungan Kapinteran jeung Elmu, Maha Kawasa, nyaeta Allah Swt., pangeran sembaheun urang sadayana. Ulah jauh-jauh mikiran Alam atuh, mikiran diri sorangan oge. Naha bet diri teh pinter, bisa leumpang, kucap-kiceup.... purak ku elmu biologi geura, kumaha otak urang, kumaha otot jeung tulang urang, weuuuh, rancangan aheng wungkul. Namina ngaji diri, ngenal diri. "Saha jalma apal ka dirina, bakan kenal ka Pengeranna.
